កងទ័ពជើងគោក នៃកងយោធពលខេមរភូមិន្ទ សូមជូនដំណឹងដល់យុវជនស្ម័គ្រចិត្តចូលបម្រើកងយោធពលខេមរភូមិន្ទបំពេញក្របខណ្ឌឱ្យកងទ័ព ជើងគោកបានជ្រាបថា៖ គណៈកម្មការជ្រើសរើសយុវជនស្ម័គ្រចិត្តចូលបម្រើកងយោធពលខេមរភូមិន្ទបំពេញក្របខណ្ឌឱ្យ កងទ័ពជើងគោក សូមជម្រាបជូនដំណឹងដល់បេក្ខជនជាប់បឋម ដូចមានក្នុងបញ្ជីរាយនាមបានបិទ ប្រកាស តាមបណ្តាទីតាំងជ្រើសរើសជ្រាបថា៖ ដើម្បីអោយបាន តម្លាភាព សុក្រឹត្យភាព និងយុត្តិធម៌ គណៈកម្មការជ្រើសរើសយុវជនស្ម័គ្រចិត្តចូលបម្រើកងយោធពលខេមរភូមិន្ទបំពេញក្របខណ្ឌឱ្យកងទ័ព ជើងគោកបានសម្រេចបន្តនីតិវិធីចុងក្រោយគឺ នីតិវិធី ចាប់សន្លឹកឆ្នោត។
