រដ្ឋមន្ត្រីការពារជាតិអ៊ីស្រាអែល បានព្រមានមេដឹកនាំកំពូលអ៊ីរ៉ង់ Ayatollah Ali Khamenei នៅក្នុងសេចក្តីថ្លែងការណ៍វីដេអូមួយដែលបានចេញផ្សាយកាលពីថ្ងៃចន្ទ (17 ខែមិថុនា) ថាគាត់អាចបញ្ចប់ជីវិតដូចមេដឹកនាំផ្តាច់ការអ៊ីរ៉ាក់ Saddam Hussein ប្រសិនបើគាត់បន្តធ្វើអរិភាពជាមួយអ៊ីស្រាអែល។
អង្គុយជាមួយមេបញ្ជាការយោធាអ៊ីស្រាអែល លោក Katz បាននិយាយនៅក្នុងវីដេអូថា អ៊ីរ៉ង់គួរតែចងចាំពីរបៀបដែលមេដឹកនាំផ្តាច់ការនៅក្នុងប្រទេសជិតខាង ដោយសំដៅទៅលើប្រទេសអ៊ីរ៉ាក់ ដែលបានជ្រើសរើសដើម្បីប្រឆាំងនឹងអ៊ីស្រាអែល តើទីបញ្ចប់របស់គាត់យ៉ាងម៉េច?
Katz ក៏បានអំពាវនាវដល់ប្រជាជនអ៊ីរ៉ង់នៅក្នុងទីក្រុង Tehran ឱ្យជម្លៀសចេញពីរដ្ឋធានី បន្ទាប់ពីបាននិយាយពីមុនថា ក្រុង Tehran នឹងទទួលរងនូវផលវិបាកសម្រាប់ការវាយប្រហាររបស់ខ្លួនលើជនស៊ីវិលអ៊ីស្រាអែល ដោយជំរុញឱ្យពួកគេគេចខ្លួន បើកាលណាលឺសំលេងតឿន។
អ្នកយកព័ត៌មានបានរាយការណ៍ថា មេដឹកនាំកំពូលអ៊ីរ៉ង់ Ayatollah Khamenei អាយុ 86 ឆ្នាំកំពុងប្រឈមមុខនឹងការបាត់បង់ដ៏ធំ បន្ទាប់ពីទីប្រឹក្សាសន្តិសុខ និងមន្ត្រីយោធាជាន់ខ្ពស់ជាច្រើននាក់របស់គាត់ត្រូវបានសម្លាប់នៅក្នុងការវាយប្រហារតាមអាកាសនាពេលថ្មីៗនេះរបស់អ៊ីស្រាអែល។
